Kikosi cha Yanga kitaondoka jijini Dar es salaam Jumatano, Novemba 17 kuelekea mkoani Lindi kwa ajili ya mchezo wa ligi kuu dhidi ya Namungo Fc
Mchezo huo utapigwa Jumamosi, Novemba 20 kwenye uwanja wa Ilulu
Afisa Habari wa Yanga Hassan Bumbuli amesema timu imeingia kambini leo kujiandaa na mchezo huo wa mzunguuko wa sita
Bumbuli amesema wachezaji wote ikiwa pamoja na wale waliokuwa katika timu ya Taifa ya Tanzania 'Taifa Stars' wameingia kambini leo huku nyota wengine Djigui Diarra, Khalid Aucho na Saido Ntibazonkiza wakitarajiwa kurejea usiku wa leo
Akizungumzia hali za majeruhi, Bumbuli amesema mpaka sasa ni Yacouba Songne pekee ambaye ni majeruhi akiendelea na matibabu nchini Tunisia
Bumbuli amesema Yacouba atarejea nchini baada ya siku 10 ambapo atakaporejea ndipo watafahamu muda ambao atatakiwa kukaa nje kuuguza jeraha
Dickson Ambundo na Yusufu Athumani wamepona majeraha na wako tayari kuanza mazoezi na wenzao wakati Mapinduzi Balama akisubiri ruhusa ya daktari ili kuweza kujumuishwa kikosini
