Juzi wakati akishiriki katika kipindi cha Michezo East Africa Radio, Mkurugenzi wa Uwekezaji GSM Injinia Hersi Said alisema kuwa hakuna timu hapa Tanzania inaweza kumkataa mchezaji kama Clatous Chama ambaye amefanya mambo makubwa katika ligi yetu
Kwa misimu kadhaa kumekuwa na tetesi nyingi zilizomuhusu Chama na klabu ya Yanga
Isingekuwa rahisi kwa Yanga kumsajili Chama wakati yuko Simba, kutokana na ushindani mkubwa uliopo baina ya vilabu hivi
Kuna wakati Makamu Mwenyekiti wa Yanga Fredrick Mwakalebela aliingia matatani kwa kutamka kuwa Yanga ilikuwa kwenye mchakato wa kumsajili Chama
Jambo hilo baadae lilimalizika kwa Mwakalebela kuomba radhi kuwa ilikuwa sehemu ya utani wa jadi
Lakini wakati huu ametamka bosi mwenyewe anayesimamia masuala ya usajili, Injinia Hersi
Yanga imedhamiria kukiimarisha kikosi chake zaidi kwenye usajili wa dirisha dogo
Kuna nafasi mbili za kuongezea wachezaji wa kigeni lakini pia wako nyota ambao mikataba yao inaelekea ukingo
Je ni tetesi tu? Tusubiri dirisha dogo..!
