Kwa misimu minne mfululizo Yanga haikuweza kufanya vizuri kutokana na changamoto za kiuchumi
Kilikuwa ni kipindi kigumu sana kwa Wanachama na Mashabiki wa Yanga ambao wanaongoza kwa wingi
Jitihada zimefanyika, ubora wa kikosi ambacho Yanga wanacho msimu huu ni matunda ya jitihada hizo zilizopelekea GSM kuingia kuidhamini klabu pamoja na kusimamia mchakato wa Mabadiliko ya mfumo wa uendeshaji
Ni uwekezaji huohuo ambao Mohammed Dewji alifanya kwa klabu ya Simba na kufanikiwa kutawala soka la Tanzania kwa misimu minne mfululizo baada ya timu hiyo kutoka kwenye kipindi kirefu cha 'msoto'
Mafanikio katika soka yanahitaji uwekezaji, bila fedha hakuna mafanikio timu inaweza kupata, labda itokee bahati
Ni bahati mbaya sana wakati huu baadhi ya wanaojiita wachambuzi bila ya aibu wanajitokeza hadharani kupinga udhamini unaotolewa kwa baadhi ya klabu kwa sababu wanazozijua wao
Jambo hili halikutokea misimu minne iliyopita lakini wanalileta msimu huu baada ya kuona utawala wa timu wanazozishabikia umetikiswa
GSM ni mfanyabiashara na anayo haki ya kutangaza biashara yake kupitia platform yoyote ilimradi havunji sheria
Mo kupitia moja ya kampuni zake alikuwa akiidhamini Namungo Fc, GSM wameingia baada ya mkataba huo kumalizika
Udhamini unaongeza ubora wa timu na hata ligi, kwani timu zinaweza kukidhi mahitaji yao na hivyo kuwa katika ushindani mzuri
Azam wameonyesha njia, uwekezaji wao mkubwa umeleta utofauti kwenye ushindani wa ligi msimu huu
Kama kuna waliokuwa wakinufaika na udhaifu wa baadhi ya timu sasa wajipange kwa ushindani wa kweli
