Baada ya ushindi wa mabao 3-1 dhidi ya Ruvu Shooting hapo jana, Kocha Msaidizi wa Yanga Cedric Kaze amesema watatumia mapumziko ya kalenda ya Kimataifa kujiimarisha zaidi ili kuhakikisha wanarejea wakiwa imara zaidi
Ushindi wa jana umewafanya Yanga waendelee kujichimbia kileleni mwa msimamo wa ligi wakiwa na alama 15 wakiwa wameshinda mechi zote tano walizocheza
Kaze amesema wamedhamiria kufanya vizuri zaidi katika kila mchezo hivyo watatumia vyema kipindi cha mapumziko
"Mechi ya tano ya ligi, ushindi wa tano, kutakuwa mapumziko ya siku 15 kupisha mechi za timu za Taifa, tutatumia muda huu kujiimarisha zaidi"
"Tunajua tunaweza kufanya vizuri zaidi, tunajipanga kwa ajili ya mchezo wetu unaofuata ni dhidi ya Namungo Fc, Novemba 20 mkoani Lindi," alisema Kaze
