Azam Fc walisifiwa sana baada ya kuonyesha kiwango bora dhidi ya Pyramids kwenye mchezo wa kombe la Shirikisho kule Misri licha ya kufungwa bao 1-0 na kuondoshwa katika michuano hiyo
Pengine ndio sababu wachambuzi wengi waliamini Azam Fc ingeweza kuisumbua Yanga bila ya kujali ubora walionao Yanga wakati huu
Sikia hii, mbele ya Azam Fc, Yanga imepiga zaidi ya 500 katika mchezo huo ambao Wananchi waliibuka na ushindi wa mabao 2-0
Yanga ilikuwa bora katika kutengeneza mashambulizi na ilikuwa bora katika ulinzi pia
Haikuwa rahisi kwa Azam Fc kupata mwanya wa kuipenya ngome ya Yanga ndio maana walitengeneza nafasi chache sana
Hii Yanga imeiva hasa, shukrani kwa usajili makini uliofanywa na GSM, umeanza kulipa
Hawa watu wawili Yannick Bangala na Khalid Aucho, wajengewe masanamu mapemaa
Aucho anaufanya mchezo wa mpira wa miguu uonekane rahisi sana wakati Bangala ni kama mlinzi wa zamu, hakuna ruhusa ya kupita getini kuingia ndani
Mayele atafunga kila mechi, msimu huu anafunga zaidi ya mabao 25, tuendelee kumuhesabia tu
Jesus Moloko anaendelea kuonyesha utofauti wake na Tuisila Kisinda, ana shabaha, anaweka kambani akipata nafasi
Yacouba wengi hawamuelewi lakini ni jembe hasa, mikimbio yake inawasumbua sana walinzi wa timu pinzani
Anaweza asifunge lakini anatengeneza nafasi, hivi mnajua mabao yote yaliyofungwa na Moloko ameyapika Yacouba?
Yanga hii imekamilika kama timu, huu ni msimu wa furaha kwa Wananchi...!
