Winga Dickson Ambundo ni mchezaji pekee ambaye ni majeruhi kuelekea mchezo wa ligi kuu dhidi ya Azam Fc ambao utapigwa Jumamosi, Oktoba 30 katika uwanja wa Benjamin Mkapa
Akizungumza na Wanahabari katika Mkutano uliofanyika Serena Hotel mapema leo, Msemaji wa klabu ya Yanga Haji Manara alisema Ambundo anaendelea kutibiwa lakini wachezaji wengine wote wako tayari kuikabili Azam Fc
Manara amesema wanatarajia kupata ushindani mkali kutoka kwa Azam Fc lakini wamejipanga kushinda
"Majeruhi katika Kikosi chetu ni mchezaji mmoja tu Dickson Ambundo. Wachezaji wengine wako vizuri na wanaendelea na mazoezi kuelekea mchezo wa Jumamosi dhidi ya Azam FC"
"Hadi sasa tumecheza asilimia 10 za mechi zetu katika msimu mzima. Tunawaheshimu Azam FC sababu ni timu inayotoa ushindani tunapokutana nao kwa misimu kadhaa sasa," alisema
Aidha Manara amebainisha kuwa wameanza mkakati wa kuongeza mashabiki wapya wakija na mpango maalum kuwavutia wale ambao hawaishabikii timu yoyote
"Kwa Tanzania Yanga ina mashabiki wanaofahamika mpaka sasa takribani 20-25m, tuko kwenye kampeni ya kuongeza mashabiki wapya ambao hawajui waishabikie timu gani"
