Kocha Mkuu wa Yanga Nasreddine Nabi ameanzisha utaratibu kwa kikosi chake kupata mechi nyingi za kirafiki ili kuhakikisha wachezaji wote wanaendelea kubaki katika ushindani
Mechi hizo ambazo zitacheza kila baada ya mchezo wa mashindano, zitalenga kuwapatia nafasi wachezaji ambao hawajumuishwi katika kikosi kinachoanza
Nabi amesema mpango huo utawasaidia wachezaji wote kuwa katika ubora na hivyo kuwafanya wawe na utimamu sawa na wale wanaocheza mara kwa mara
"Tumeona tuwe na hizo mechi za kirafiki angalau moja au ikiwezekana mbili kila baada ya mchezo wa ligi. Mechi hii itakuwa maalumu kwa wale ambao hawakucheza mechi ya ligi au wakacheza kwa dakika chache"
"Tunatakiwa kuwa na timu bora yenye kila mchezaji aliye tayari wakati wowote, lakini kama tutakuwa tunawapa muda wa kucheza wale wanaoanza kisha tukawasahau hawa wengine iko siku itatupa shida," alisema Nabi
Msimu huu Yanga imedhamiria kushinda ubingwa wa ligi kuu, benchi la ufundi linaweka mikakati kuhakikisha wanafanikisha mpango huo
