Kikosi cha Yanga jana kilirejea mazoezini kuiwinda Azam Fc katika mchezo wa ligi kuu ambao utapigwa Oktoba 30 katika uwanja wa Benjamin Mkapa. Wananchi walianza na mazoezi ya Gym kuweka miili sawa
Vinara hao wa ligi kuu ya NBC wamepania kuendeleza wimbi la ushindi na kubaki kileleni mwa msimamo wa ligi
Hata hivyo ni wazi mchezo dhidi ya Azam Fc utakuwa na upinzani mkali, ni kawaida kwa Azam Fc 'kukaza' wanapokutana na Yanga
Jana Azam Fc waliondoshwa kwenye michuano ya kombe la Shirikisho baada ya kuchapwa bao 1-0 na Pyramids Fc hivyo nao hesabu zao zimebaki kwenye ligi
Msimu uliopita kila timu ilishinda mchezo mmoja, Yanga ikipata ushindi wa bao 1-0 uwanja wa Azam Complex na Azam nao kushinda bao 1-0 uwanja wa Benjamin Mkapa
Ni moja ya mechi ambazo alama tatu zina thamani kubwa katika mbio za kuwania ubingwa
Kwa Yanga kila mchezo ni fainali ambapo Wananchi hesabu zao ni kushinda kila fainali inayokuja mbele yao
