Kiungo Feisal Salum 'Fei Toto' amesema anayafurahia maisha yake ndani ya kikosi cha Yanga akijiwekea malengo ya kushinda tuzo zaidi katika msimu huu
Jana Fei Toto alishinda tuzo ya mchezaji bora wa kombe la Shirikisho la Azam (ASFC) pia akijumuishwa katika kikosi bora cha msimu uliopita
"Namshukuru Mungu kwa kuniwezesha kushinda tuzo hizi, nitaendelea kujituma msimu huu ili niweze kufanya vizuri zaidi, binafsi natamani kushinda tuzo ya mchezaji bora wa ligi, naamini inawezekana," alisema Fei Toto
Aidha nyota huyo amesema anayo ndoto ya kwenda kucheza soka nje ya nchi lakini anaamini bado wakati wake haujafika
"Nafarijika kuona watu wengi wanatamani nikacheze soka Ulaya, hata mimi natamani jambo hilo litokee, lakini naamini wakati wake bado. Pale wakati utakapofika wataniona nacheza soka nje ya nchi, alisema Fei Toto"
Fei Toto ameanza vyema msimu huu akifunga mabao mawili na kutoa pasi moja ya bao katika mechi tatu za mwanzo wa msimu
