Mashabiki wa Yanga waliumia sana baada ya uongozi kumuuza winga mwenye kasi ya 'umeme' Tuisila Kisinda aliyesajiliwa na RS Berkane ya Morocco
Kisinda alijizoelea mashabiki wengi kutokana na aina yake ya uchezaji, akitumia mbio kama silaha muhimu ya kuwatesa walinzi wa timu pinzani
Huyu mwamba alikuwa anakimbia kwelikweli, kuna mabeki walifanya sherehe baada ya kusikia Yanga wamemuuza!
Lakini Wananchi wamemleta mbadala wake ambaye ni moto zaidi, Jesus Moloko
Moloko ana kasi kama ilivyokuwa kwa Kisinda lakini yeye ni mchezaji anayekimbia kwendana na matukio
Ukimuona anakimbia basi anao mpira mguuni kwake au pasi imewekwa njiani. Mfumo wa timu unaamua mbio zake azitumie vipi!
Ni mchezaji anayejua kuharakisha mashambulizi na anawatengenezea wenzake nafasi
Upande wa kulia anaocheza na Shabani Djuma unaonekana kuwa na madhara zaidi na Kocha Nasreddine Nabi anautumia zaidi kujenga mashambulizi
Moloko anaufanisi zaidi kulinganisha na Kisinda ambaye mipira yake ya mwisho mara nyingi ilikuwa haitabiriki
Ni aina ya mawinga ambao mabeki hawawapendi kwani yeye mashambulizi yake anayaanzia chini kabisa na kukimbia kwa kasi mpaka eneo la hatari
