Ilikuwa ni suala la muda tu Kibwana Shomari kuitwa timu ya Taifa kutokana na ubora ambao ameendelea kuonyesha tangu msimu uliopita
Kila wakati alipoachwa nje ya kikosi cha Stars maswali yaliulizwa mengi kutoka kwa wadau kuhoji ni vigezi gani vinatumika kumuacha Kibwana nje?
Kibwana ni miongoni mwa wachezaji wachache mahiri sana wa ndani wanaocheza safu ulinzi pembeni
Ni bora sana kwenye ulinzi lakini pia ameimarika katika kushambulia kutokea pembeni
Hii ni nafasi nzuri kwake kumdhihirishia kocha Kim Poulsen ni aina gani ya mchezaji alikuwa akimkosa katika kikosi chake
Kibwana ameitwa Stars kuchukua nafasi ya Shomari Kapombe ambaye ni majeruhi
Pengine anaweza kuwa sehemu ya kikosi kitakachoikabili Benin keshokutwa Alhamisi katika mchezo wa kuwania kufuzu fainali za kombe la dunia
