Mashabiki wengi wanatamani kuona mshambuliaji Yusufu Athumani anapewa muda zaidi wa kutumika katika kikosi
Ni kwa sababu katika dakika chache ambazo huwa anapewa na kocha Nasreddine Nabi, amekuwa akifanya vizuri sana
Juzi katika mchezo wa ligi kuu dhidi ya Geita Gold, Yusufu alifunga bao ambalo kama mshika kibendera angekuwa makini, lilipaswa kuwa goli halali
Alianza kuonekana kikosini katika mchezo wa ligi ya mabingwa dhidi ya Rivers United, alionyesha kiwango kizuri
Pengine ndio sababu hata Yanga walipokwenda Nigeria, Yusufu alikuwa miongoni mwa wachezaji ambao Rivers waliwafanyia 'zengwe' ili wasicheze kwa kisingizio cha kuwa na maambukizi ya uviko-19
Ni suala la muda tu, Yusufu ataingia katika kikosi cha kwanza hasa kama uzembe katika matumizi ya nafasi utaendelea kwa baadhi ya wachezaji
