Nahodha Bakari Nondo Mwamnyeto ndiye mchezaji pekee ambaye anaweza kukosa mchezo dhidi ya Kagera Sugar leo baada ya kupata majeraha ya kidole
Kocha Mkuu wa Yanga Nasreddine Nabi akishirikiana na Cedrick Kaze leo wanaweza kushusha kikosi kilekile kilichoimaliza Simba katika mchezo wa Ngao ya Jamii Jumamosi iliyopita
Nafasi ya Mwamnyeto anaweza kuingia Abdallah Shaibu 'Ninja' au kumrudisha Yannick Bangala katika safu ya ulinzi na eneo la kiungo akaingia Zawadi Mauya
Yanga inahitaji kuanza ligi kwa nguvu, matokeo ya ushindi yakiwa kipaumbele hasa baada ya wapinzani wake Simba na Azam Fc kuanza ligi kwa kusuasua
Azam Fc walilazimishwa sare ya bao 1-1 dhidi ya Coastal Union wakati jana Simba walilazimishwa suluhu ya bila kufungana dhidi ya Biashara United
Ushindi kwa Yanga leo utawapa faida ya alama mbili mbele ya wapinzani wao mapema kabisa
Msimu huu kila mchezo kwa Yanga ni fainali kuhakikisha ushindi unapatikana katika kila uwanja, iwe nyumbani au ugenini
