Mkutano wa matawi Yanga ruksa kufanyika

Wizara ya Mambo ya Ndani imeruhusu kufanyika kwa Mkutano wa Wenyeviti wa Matawi ya klabu ya Yanga Tanzania nzima siku mbili baada ya kuuzuia.

Juzi Jumapili maafisa wa jeshi la Polisi walivamia Makao Makuu ya Klabu ya Yanga na kuuzuia Mkutano huo uliokuwa umeanza baada ya kupata taarifa za kiintelijensia kuwa kungeibuka uvunjifu wa Amani.

Baada ya kuruhusiwa, Jeshi la Polisi limeahidi kutoa ulinzi kuhakikisha Mkutano huo unafanyika kwa Amani.

Viongozi wa Matawi ya Yanga wamekuwa na utaratibu wa kukutana kama sehemu ya kutimiza majukumu ya kuendeleza klabu ya Yanga.