Kiungo Mukoko Tonombe 'Teacher' hatakuwa sehemu ya kikosi cha Yanga kitakachoikabili Simba Jumamosi katika mchezo wa Ngao ya Jamii
Mukoko anatumikia adhabu ya kukosa michezo mitatu baada ya kuonyeshwa kadi nyekundu kwenye mchezo wa fainali kombe la FA dhidi ya Simba msimu uliopita
Imeelezwa kanuni zinazotumika kwenye Ngao ya Jamii ni zilezile zinazotumika kwenye ligi na kombe la FA hivyo mchezo wa Ngao ya Jamii utakuwa mchezo wake wa kwanza kukosa na pia atakosa mechi nyingine mbili za mwanzo kwenye ligi
Hata hivyo usajili wa wachezaji Yannick Bangala na Khalid Aucho unampa amani kocha Nasreddine Nabi kwani anao watu wanaoweza kuziba pengo lake pasipo na mashaka yoyote
Bangala ni mchezaji kiraka anayeweza kucheza nafasi zote za ulinzi na kiungo
Katika mchezo dhidi ya Rivers United uliopigwa Nigeria, Bangala alianza katika kiungo sambamba na Mukoko
