Balama yuko tayari kurejea kikosini

Kiungo mshambuliaji wa Yanga, Balama Mapinduzi amekamilisha programu maalum ya mazoezi binafsi ambayo alipewa na benchi la ufundi na kujiunga na wenzake

Balama anasubiri wito wa kocha Nasreddine Nabi kuweza kuanza kutumika rasmi kikosini

Balama alipata jeraha la enka katika mazoezi ya kikosi cha Yanga kilichokuwa kikijiandaa na mchezo wa Ligi Kuu Bara dhidi ya Mwadui Fc mwezi Juni mwaka jana

"Kwa sasa Balama tayari amemaliza programu binafsi za mazoezi maalum aliyokuwa amepewa na benchi la ufundi na ameanza kufanya mazoezi ya pamoja na wenzake. Hivyo kutokuonekana kwake hakuna mahusiano na majeraha bali ni maamuzi ya kocha mkuu ambaye kutokana na utayari wa mchezaji husika anaweza kumpa nafasi," alisema Daktari wa Yanga, Dk Shecky Mngazija