Msafara wa kikosi cha Yanga, utaondoka nchini leo majira ya saa mbili usiku kuelekea Nigeria wanakokabiliwa na mchezo wa marudiano ligi ya mabingwa dhidi ya Rivers United
Mchezo huo muhimu kwa Yanga kuibuka na ushindi, utapigwa Jumapili Septemba 19
Kaimu Mtendaji Mkuu wa klabu ya Yanga Haji Mfikirwa amesema msafara wa timu utakuwa na wachezaji 22, benchi la ufundi na viongozi ambapo kwa ujumla msafara utakuwa na watu 56
Pia wataungana na watu wengine wanaokwenda kuiunga mkono timu kule Nigeria
Amesema Yanga itaondoka na ndege ya kukodi (AirBus ya ATCL) na wanatarajiwa kufika Nigeria majira ya saa tano usiku
Mfikirwa amewataka Wananchama na Mashabiki wa Yanga wawe na imani na timu yao kwani wamejipanga na watafanya kila wanaloweza ili kuhakikisha wanapata matokeo ugenini
