Msemaji wa klabu ya Yanga Haji Manara amewataka wachezaji kuelekea mchezo dhidi ya Rivers United kuhakikisha wanaibuka na ushindi mnono ili kuionyesha Afrika kuwa wao ndio timu kubwa zaidi Tanzania
Katika msimu huu Yanga imedhamiria kushinda kila taji la ndani huku ikipania kuvuka hatua ya makundi michuano ya ligi ya mabingwa
Manara amesema waingie uwanjani leo kwa lengo moja tu, kuonyesha dhamira waliyoiweka katika msimu huu
"Nendeni mkaionyesha Africa nyinyi ndio timu kubwa nchi hii. Nendeni mkawaambie Watanzania uwanjani kile mlichodhamiria msimu huu. Nendeni mkatimize matarajio ya Wanayanga jioni ya leo. Tunawaamini na Insha'Allah MTASHINDA JIONI YA LEO," aliandika Manara katika ukurasa wake wa mtandao wa kijamii
Huu ni mchezo wa heshima kwa Yanga, ni mchezo wa kuitangazia Afrika kuwa mbabe halisi wa soka la Tanzania amerejea katika medani za Kimataifa
Ni saa 11 jioni pale uwanja wa Benjamin Mkapa. Kuna msemo maarufu 'Afe kipa, Afe beki', Rivers United lazima akae...!
