Mahadhi apania kurudi kikosi cha kwanza Yanga

Nyota wa Yanga Juma Mahadhi, amesema anataka kuitumia michuano ya Kombe la Mapinduzi kurejesha kiwango chake.

Mahadhi ameanza kwa kasi kwenye kikosi cha Yanga katika michuano hiyo baada ya kuifungia timu hiyo mabao mawili kwenye ushindi wa bao 2-1 dhidi ya Mlandege.

Mahadhi amekiri kuwa ushindani wa namba ndani ya kikosi cha Yanga umemfanya kutopata muda mwingi kwenye michezo ya ligi kuu.

Alisema kwa sasa anaitumia michuano ya Kombe la Mapinduzi kuinua kiwango chake na kulishawishi benchi la ufundi kumpa nafasi kwenye michezo ya ligi kuu.

“Nashukuru Mungu napata nafasi huku Zanzibar, nataka kuitumia michuano hii kukuza kiwango changu lakini pia kulishawishi benchi la ufundi kunipa nafasi,” alisema Mahadhi.

Aidha, alisema kuwa, kukaa benchi kwenye timu hiyo kunatokana na changamoto ya kuwania namba na hajakata tama ya kupata nafasi kwenye kikosi cha kwanza cha kocha George Lwandamina.

Yanga tayari imetinga nusu fainali ya michuano ya kombe la Mapinduzi baada ya kushinda michezo yake mitatu ya mwanzo.

Bado ina michezo miwili dhidi ya Zimamoto na Singida United