Wananchiiiiii, tukutane kwa Mkapa

Leo ndio ile siku iliyokuwa ikisubiriwa kwa hamu na wapenzi, wanachama na  mashabiki wa klabu ya Yanga

Ni kilele cha wiki ya Mwananchi, shamrashamra zikifanyika pale uwanja wa Benjamin Mkapa

Mageti ya uwanja wa Mkapa yatafunguliwa mapema tu, kuanzia saa tatu asubuhi

Kutakuwa na burudani za aina mbalimbali, wasanii wa muziki wa bongo fleva, bongo movies na kubwa zaidi ni burudani kutoka kwa Mwanamuziki Koffi Olomide

Kabla ya utambulisho wa timu na benchi la ufundi, kutakuwa na mechi za utangulizi kutoka timu za maveterani na kikosi cha vijana wa U20

Mechi kubwa inayobeba siku hii kati ya Yanga dhidi ya Zanaco itapigwa kuanzia saa moja usiku