Tukutane Mlimani City kwenye uzinduzi wa jezi

Leo Yanga itafanya tukio jingine kubwa pale Mlimani City jijini Dar es salaam ambapo jezi mpya kwa ajili ya msimu wa 2021/22 zitazinduliwa

Kwa mara ya kwanza, Shoo hiyo ya kibabe itasimamiwa na Bugatti mwenyewe, msemaji mpya wa Yanga Haji Manara

Manara ametamba kuwa Yanga inakwenda kuzindua jezi ya mpira ambayo haina 'makorokoro'

Jezi tatu zitazinduliwa; jezi ya nyumbani, ugenini na jezi ya dharura (third kit)

Kaimu Katibu Mkuu wa Yanga Haji Mfikirwa amesema ni utamaduni kwa Yanga kila msimu kutoa jezi bora hapa Tanzania

Jezi inayokwenda kutambulishwa leo, itavunja rekodi kwani ni bora zaidi ya matoleo yaliyopita

Hafla ya uzinduzi itafanyika kuanzia saa tano asubuhi na itakuwa mbashara kupitia Azam Sport 1 HD