Kiungo Mcongomani Mukoko Tonombe amezungumzwa sana kwenye mitandao ya kijamii baadhi ya mashabiki wakihoji mbona haonekani?
Mwamba huyu yuko kambini na kikosi cha Yanga kinachoendelea na pre-season yake nchini Morocco
Yanga iliwahi kuthibitisha kupokea ofa kutoka klabu kadhaa zilizokuwa zikihitaji huduma yake
Hata hivyo jambo la uhakika ni kuwa Mukoko hauzwi, huyu ni mchezaji muhimu katika kikosi cha Yanga katika kutimiza mipango ya msimu ujao
Ni mchezaji kiongozi, ambaye hakuna shaka, Wananchi hawapaswi kuwa na hofu yoyote kuhusu uwepo wake Yanga
Mukoko ataondoka Morocco kwenda kujiunga na timu ya Taifa DR Congo kwa ajili ya michezo ya kuwania kufuzu kombe la Dunia, moja ya michezo hiyo ikiwa dhidi ya Tanzania, Septemba 02
Kocha Mkuu wa timu ya Taifa ya Tanzania Kim Poulsen leo anatarajiwa kutangaza wachezaji aliowaita kujiunga na timu ya Taifa. Kwa wale wa Yanga ambao watajumuishwa kwenye kikosi hicho, nao wanaweza kuondoka Morocco kurejea nchini
Itakuwa hivyo pia kwa wachezaji wa Mataifa mengine ambao wataitwa kwenye timu zao za Taifa
