Yanga kufunga hesabu za usajili leo

Dirisha la usajili kwa ajili ya michuano ya ligi ya mabingwa linafungwa kesho Jumapili, saa 5.59 usiku Yanga ikitarajiwa kukamilisha michakat yake leo

Wananchi wanatarajiwa kukamilisha hesabu zao kwa utambulisho wa mlinzi wa kati, Yannick Bangala anayekuja kuchukua nafasi ya Lamine Moro

Aidha taarifa za ndani, zimedokeza kuwa kunaweza kuwa na usajili mwingine wa 'sapraizi' katika dakika za majeruhi

Idadi kubwa ya wachezaji waliosajiliwa kwa ajili ya msimu ujao tayari wako kambini Avic Town, leo walikikamilisha taratibu za safari ya Morocco

Leo kutakuwa na zoezi la kupatiwa chanjo ya corona kwa wachezaji ambao hawakuwa wamepata chanjo hiyo

Yanga inaondoka jijini Dar es salaam kesho Jumapili kuelekea Morocco