Kaimu Katibu Mkuu wa Yanga Haji Mfikirwa amethibitisha kuwa Yanga inamuuza winga Tuisila Kisinda kwenda RS Berkane ya Morocco baada ya makubaliano kufikiwa
Mfikirwa alisema RS Berkane wametoa ofa nzuri ya mshahara kwa Kisinda mwenyewe na upande wao kama klabu pia wameridhishwa na ofa ya takribani Milioni 350 pamoja na ofa ya kwenda kuweka kambi Morocco
Aidha Kisinda aliyekuwa amebakisha mkataba wa mwaka mmoja na Yanga, mwenyewe pia alipendelea kwenda kujiunga na RS Berkane inayonolewa na Florente Ibenge aliyekuwa kocha wake AS Vita
Mashabiki wa Yanga hawakufurahishwa na taarifa hii ya kuuzwa kwa mchezaji wao muhimu ingawa, wakati mwingine ni maamuzi magumu ambayo klabu inalazimika kuyachukua
Kwani kama mchezaji mwenyewe ametaka aruhusiwe akajiunge na RS Berkane, hivyo ni wazi kama Yanga ingegomea ofa hiyo angesubiri mkataba wake umalizike kisha aondoke bure
Uongozi wa Yanga umeahidi watasajili mchezaji mbadala wake, wakiwa na wiki moja tu kukamilisha usajili huo
