Hatma ya Yanga mikononi mwa Express Fc leo

Kikosi cha Yanga jioni ya leo kitashuka uwanja wa Benjamin Mkapa kukamilisha hatua ya makundi ya michuano ya kombe la Kagame kwa kuumana na Express Fc

Ni mchezo utakaoamua hatma ya Yanga kwenye michuano hiyo, Wananchi wakihitaji ushindi ili kutinga nusu fainali

Express Fc ndio vinara wa kundi A wakiwa na alama nne huku Yanga na Nyasa Big Bullets zikiwa na alama mbili kila moja

Atlabara wana alama moja lakini kimahesabu nao wanaweza kuingia nusu fainali kama watapata ushindi mnono dhidi ya Nyasa Big Bullets

Kocha wa Yanga Razak Siwa amesema vijana wake wako tayari kwa mchezo huo utakaopigwa kuanzia saa kumi jioni

Amewaasa mashabiki kujitokeza kwa wingi dimba la Mkapa kuipa sapoti timu yao ili kuhakikisha inaondoka na ushindi