Nyota wa zamani wa Yanga Sunday Manara ambaye ni Baba mzazi wa aliyekuwa Afisa Habari wa Simba Haji Manara, amesema ni faraja kwake kuona mwanaye ameachana na klabu hiyo
Aidha Sunday ambaye ni Mwanayanga kindakindaki, amesema mgogoro huo unaofukuta Simba ni faraja kwake kwani ziko nyakati Yanga ilipitia machungu hayo na wao walifurahia
"Mimi haunihusu mgogoro wao kwa sababu mimi Yanga. Hivyo akitokea Haji kaondoka nafurahi akitokea mwingine kaondoka nafurahi kwa sababu hawa ndio waliotufanyia sisi Yanga hivyo lazima kama mimi nione hili ni faraja kwetu sisi Yanga," alisema Sunday katika mahojiano na TBC FM
Hata hivyo Sunday amesema hawatakuwa tayari kumpokea Haji kama akitaka kujiunga na Yanga kwa sababu anafahamu yeye ni Mwanasimba
"Wala hatumtaki kwa sababu yeye alisema Yanga haipendi sisi tunataka abakie hukohuko Simba kwake maana ndio timu aliyoamua kuipenda"
