Kaimu Katibu Mkuu wa Yanga Haji Mfikirwa ametoa ufafanuzi kuwa hawakuwahi kumuhitaji mchezaji Peter Banda kwani sio miongoni mwa wachezaji waliopendekezwa kusajiliwa
Ametoa kauli hiyo baada ya Simba kumsajili mchezaji huyo huku mashabiki wakiaminishwa kuwa Yanga walijaribu kumsajili
Wakati mwingine ni mbinu tu inatumika kwenye usajili, kuibua tetesi ambazo lengo lake ni kuongeza thamani ya usajili unaofanyika
Tetesi za kuwa Yanga wanamuwania Peter Banda zilianza juzi na zilishika kasi usiku taarifa ikidai kuwa Yanga wamewapoka watani zao mchezaji huyo uwanja wa Ndege
Hata hivyo jambo hilo halikuwa na ukweli wowote wala Yanga haikuwa katika mchakato wowote wa kumsajili
Ni kama baadhi ya wanahabari walitumika kuvujisha tetesi hizo na Simba ili usajili huo utakapokamilika uonekane kuwa na thamani kubwa
Jambo ambalo uongozi wa Yanga unapaswa kufanya haraka ni kukanusha tetesi zozote zisizo za kweli ili 'kuzima' kiki inayotengenezwa kupitia jina lao
Mara kadhaa Simba wametumia mbinu hiyo na kuifanya Yanga ionekane dhaifu linapokuja suala la usajili
