Kikosi cha Yanga tayari kimeingia kambini kuanza maandalizi ya michuano ya kombe la Kagame inayoanza keshokutwa Jumapili jijini Dar es salaam
Yanga itaanza kampeni ya michuano hiyo, August 1 kwa mchezo dhidi ya Nyasa Big Bullets ambao utapigwa saa kumi jioni, uwanja wa Benjamin Mkapa
Mchezo utakaofuata utapigwa August 04 dhidi ya Altabara Fc na baadae kumaliza hatua ya makundi kwa kuikabili Express August 07
Kikosi cha Yanga kina na mchanganyiko wa wachezaji wazoefu na wengine kutoka timu ya vijana U20
Benchi litaongozwa na Kocha Razak Siwa ambaye atashirikiana na Kocha Msaidizi wa U20 Fred Mbuna na Mohammed Hussein 'Mmachinga' ambay ni kocha wa Yanga Princess
Yanga imedhamiria kushinda michuano hiyo na kuongeza idadi ya makombe yake kufikia sita kwa michuano ya Kagame (zamani klabu bingwa Afrika Mashariki na Kati)
