Ukizungumzia wachezaji waliong'ara katika kikosi cha Yanga kwenye msimu huu uliomalizika, hutakosa kutaja jina la Kibwana Shomari
Mlinzi kinda aliyesajiliwa na Wananchi akitokea klabu ya Mtibwa Sugar, amewafanya mashabiki wa Yanga wamsahau mkongwe Juma Abdul haraka sana
Ndio! Abdul alikuwa roho ya Yanga upande wa kulia kwa takribani misimu minne kabla ya kugomea mkataba aliopewa kuelekea msimu wa 2020/21
Na hapo ndipo akaletwa Kibwana katika nafasi yake, msimu wake mmoja umetosha kudhihirisha kipaji chake
Ni kinda mwenye umri wa miaka 20 tu, lakini amekuwa nguzo muhimu ya safu ya ulinzi upande ule wa kulia
Kibwana ndiye mchezaji aliyecheza dakika nyingi zaidi kwenye kikosi cha Yanga msimu huu
Ameng'ara katika mechi zenye ushindani zaidi dhidi ya Simba akiweza kuwadhibiti nyota wanaotegemewa na timu hiyo
Kwa hakika ni mchezaji anayestahili tuzo ya mchezaji bora chipukizi katika tuzo za VPL msimu huu
Msimu ujao anatarajiwa kupata ushindi katika nafasi yake mbele ya Shabani Djuma anayetua kutoka klabu ya AS Vita
Djuma ni mchezaji mzoefu, hakuna shaka ujio wake utamuimarisha zaidi Kibwana
Lakini jambo jema zaidi ni kuwa Djuma pia anaweza kucheza nafasi ya winga, hivyo Kibwana bado atakuwa na uhakika wa muda wa kutosha kikosini
