Kiungo na mmoja wa manahodha wa Yanga Mukoko Tonombe ameomba radhi kufuatia tukio la kuonyeshwa kadi nyekundu kwenye mchezo wa fainali kombe la Shirikisho la Azam (ASFC) dhidi ya Simba hapo jana
Mchezo huo uliopigwa uwanja wa Lake Tanganyika, ulimalizika kwa Simba kushinda bao 1-0 wakinufaishwa na kadi nyekundu aliyopewa Mukoko mwishoni mwa kipindi cha kwanza
Yanga ilicheza dakika 45 za kipindi cha pili wakiwa na wachezaji 10 ambapo walifungwa bao katika dakika ya 80
"Nachukuwa fursa hii kuomba radhi mashabiki pamoja na viongozi na benchi la ufundi kwa kilicho tokea katika mchezo wa final wa Yanga vs Simba. Kwamba sijakusudia kupewa kadi nyekundu ambayo labda ndo ilikuwa sababu yakupoteza mchezo huo. Naipenda sana timu yangu yanga DAIMA MBELE NYUMA MWIKO," aliandika Mukoko kwenye ukurasa wake wa mtandao wa kijamii
