Safari ya Yanga kutinga fainali ya michuano ya kombe la Shirikisho la Azam (ASFC) ilikuwa ya kipekee kwani mabingwa hao wa kihistoria hawakuruhu bao lolote katika michuano hiyo
Aidha ukiondoa mchezo dhidi ya Ken Gold ambao ulifanyika jijini Dar es salaam, mechi zote zilizofuata Yanga walicheza mikoani
Yanga walipaswa kuanza kampeni yao kwa kuikabili Singida United hata hivyo walivushwa raundi hiyo pasipo kucheza baada ya Singida United kushushwa madaraja mawili
Mchezo uliofuata ulikuwa dhidi ya Ken Gold uliopigwa uwanja wa Uhuru na Yanga kuibuka na ushindi wa bao 1-0. Lilikuwa bao la mkwaju wa nje ya 18 kutoka kwa mkongwe Haruna Niyonzima 'Fabregas'
Mchezo uliofuata walikwenda Rukwa, Sumbawanga na wakafanikiwa kuibuka na ushindi wa bao 1-0 dhidi ya Tanzania Prisons
Wakaelekea Shinyanga kuikabili Mwadui Fc katika mchezo ambao waliibuka kwa ushindi wa mabao 2-0 na kutinga nusu fainali
Mechi ya nusu fainali ikapigwa mkoani Tabora wakiichapa Biashara United bao 1-0 na kutinga fainali
Yanga imefunga mabao matano pasipo kuruhusu bao kutikisa nyavu zake
Keshokutwa Jumapili wanakutana na watani zao Simba katika mchezo utakaopigwa uwanja wa Lake Tanganyika Kigoma
Ukiacha mchezo wa nusu fainali ambao ulipangwa kupigwa Songea, mechi nyingine zote Simba walicheza jijini Dar es salaam
