Nabi alia na uwanja wa mazoezi Kigoma

Baada ya kuwasili mkoani Kigoma mapema jana, jioni Yanga ilianza kujifua kujiandaa na mchezo wa fainali kombe la Shirikisho la Azam dhidi ya Simba ambao utapigwa keshokutwa Jumapili katika uwanja wa Lake Tanganyika

Kocha Mkuu wa Yanga Nasreddine Nabi ameeleza kutoridhishwa na hali ya uwanja waliopewa kwa ajili ya kufanya maandalizi ya mwisho

Hata hivyo, Nabi amesema walikamilisha maandalizi jijini Dar es salaam sasa wanafanya maandalizi ya kimbinu ili kuwaweka wachezaji sawa

"Uwanja wa mazoezi si rafiki sana, tunafanya mazoezi ya kimbinu kuhakikisha wachezaji wanakuwa katika mtazamo mmoja kutokana na hali ya mchezo wenyewe," alisema

Yanga imedhamiria kushinda mchezo huo ili kutwaa taji la FA walilotwaa kwa mara ya mwisho mwaka 2016