Mshambuliaji Michael Sarpong yuko kwenye mazungumzo na uongozi wa Yanga ili kusitisha mkataba wake, imefahamika
Sarpong aliyetua Yanga msimu uliomalizika, alifunga mabao manne pekee na hayuko kwenye mipango ya kocha Nasreddine Nabi
Ni karibu miezi mitatu mshambuliaji huyo hajaonekana kwenye kikosi cha Yanga kutokana na sababu mbalimbali
Mshambuliaji huyo raia wa Ghana alitua kwa Wananchi akitokea klabu ya Rayon Sport lakini hajaweza kuwashawishi Wananchi
Yanga inatajwa kuwa imekamilisha usajli wa mshambuliaji Fiston Mayele kutoka klabu ya AS Vita huku pia ikihusishwa kutaka kumrejesha Heritier Makambo ambaye amevunja mkataba wake na Horoya Ac
Yanga inatarajiwa kusajili washambuliaji wawili wa kigeni kuchukua nafasi ya Sarpong na Fiston Abdulrazak ambaye tayari 'amesepa' baada ya mkataba wake kumalizika
Fiston nae hakuwa na wakati mzuri miezi sita aliyoitumikia Yanga akiweka kambani mabao mawil tu
