Kabwili kupewa nafasi mechi ya Dodoma Jiji

Hakuna shaka mlinda lango Ramadhani Kabwili kama atakuwa timamu kiafya, leo anatarajiwa kuanza katika mchezo dhidi ya Dodoma Jiji utakaopigwa uwanja wa Jamhuri

Huu utakuwa mchezo pekee ambao Kabwili atacheza msimu huu (kwenye ligi)

Kabwili amekuwa na nafasi finyu kwenye kikosi cha kwanza msimu huu walinda lango Metacha Mnata na Farouk Shikhalo wakiaminiwa zaidi

Pamoja na kutopata sana nafasi, Yanga bado ina mpango wa muda mrefu na mlinda lango huyu aliyesajiliwa mwaka 2017 akiwa na umri wa miaka 17 tu

Kabwili anashikilia rekodi ya kucheza mechi ya ligi ya mabingwa barani Afrika akiwa na umri mdogo msimu wa 2017/18 akikaa langoni katika mchezo dhidi ya Township Rollers