Injinia Hersi ndani ya Morocco

Mkurugenzi wa Uwekezaji GSM Injinia Hersi Said yuko nchini Morocco kwa mwaliko wa klabu ya Raja Casablanca ambayo ni mshirika wa Yanga

Akiwa nchini humo, Hersi ambaye ni Makamu Mwenyekiti wa Kamati ya Mashindano, alipata nafasi ya kuonana na winga wa zamani wa Yanga Saimon Msuva ambaye anacheza klabu ya Wydad Athletic pamoja na beki kisiki wa timu hiyo Cheick Ibrahim Comara

Hata hivyo Hersi amesema ilikuwa Mkutano wa kawaida na kuwa hakuna mazungumzo yoyote ya kumrudisha Msuva Yanga zaidi ya kumhamasisha ili aweze kwenda mbali zaidi

Yanga ilimuuza Msuva mwaka 2017 klabu ya Difaa El Jadida ambapo msimu uliopita alisajiliwa na mabingwa wa Morocco, Wydad Athletic