Kiungo Haruna Niyonzima amewashukuru wanayanga kwa ujumla wake baada ya kumpa heshima ya kipekee kwa kumuaga baada ya kuitumikia timu hiyo kwa misimu sita
Niyonzima ameagwa rasmi na Wananchi baada ya mchezo dhidi ya Ihefu Fc uliomalizika kwa Yanga kuibuka na ushindi wa mabao 2-0
Kiungo huyo kutoka Rwanda amesema Yanga ni timu yake na anaamini wakati mwingine atarejea
"Sina cha kuwalipa Wanayanga lakini kikubwa nitaendelea kuwaombea. Nataka watu watambue kuwa hii ni timu yangu. Nafurahi kuona hata kule nyumbani (Rwanda), nimeweza kuwashawishi Wanyarwanda waipende Yanga," alisema Niyonzima
Nae, Mwenyekiti wa Yanga Dk Mshindo Msolla amesema ni heshima kwake kuweza kumrejesha Niyonzima kwa mara ya pili
Dk Msolla amesema Niyonzima ni Mwanafamilia wa Yanga na wakati wowote wanamkaribisha kuja kufanya kazi
"Natambua una leseni C ya ukocha. napenda ujiendeleze zaidi upate leseni B kwani tungependa kuona siku moja unarejea kuwa kocha msaidizi au kufundisha timu zetu za vijana," alisema Dk Msolla
