Miezi ya nyuma kulikuwa na malalamiko ya hapa na pale kutoka kwa mashabiki Yanga wakilalamika kuwa timu yao ina kawaida ya 'kukata moto' kwenye kipindi cha pili
Tatizo hilo lililonekana zaidi wakati mabingwa hao wa kihistoria wakinolewa na Cedric Kaze
Yanga ilikuwa inaupiga 'mwingi' kwenye kipindi cha kwanza lakini mashabiki wanalazimika kushika mioyo yao kwenye kipindi cha pili
Lakini kwa hakika kuna kazi imefanyika chini ya benchi la ufundi la kocha Nasreddine Nabi
Kocha wa viungo Jawab Sabri matunda ya kazi yake yameanza kuonekana
Katika mchezo dhidi ya Simba jana, Yanga ilicheza muda wote ikiwa na nguvu ileile
Kadiri Simba walivyoongeza presha kusaka bao la kusawazisha ndivyo wachezaji wa Yanga walivyojitoa
Hakukuwa na wakati ungeweza kusema wachezaji wamekata moto isipokuwa ni mbinu tu ya kocha Nabi ambaye aliwataka wachezaji wake waimarishe ulinzi kwenye kipindi cha pili huku wakishambulia kwa kushitukiza
Wasiofahamu Jawab ametua Yanga akitokea klabu ya Raja Casablanca ya Morocco
GSM walimleta huyu mwamba kwa kazi maalum ambayo matunda yake yameanza kuonekana
