Afisa habari wa Yanga Hassan Bumbuli amesema maandalizi kuelekea mchezo dhidi ya Simba utakaopigwa kesho Jumamosi, Julai 03 uwanja wa Benjamin Mkapa yanakwenda vizuri
Bumbuli amesema wanauchukulia mchezo dhidi ya Simba kama ilivyo michezo mingine tu, hivyo hawana hofu yoyote
Aidha Bumbuli amesema wachezaji Abdallah Shaibu 'Ninja' na Yassin Mustafa wamerejea kikamilifu kikosini baada ya kupona majeraha yaliyowaweka nje kwa takribani wiki nane
Amesema wachezaji hao wako tayari kwa mtanange wa Jumamosi, kocha mkuu wa Yanga Nasreddine Nabi anaweza kuwajumuisha kwenye kikosi chake
Bosi huyo wa kitengo cha habari amesema wao hawatakuwa na maneno mengi lakini wanawasubiri uwanja wa Benjamin Mkapa hapo kesho
"Maendeleo yetu ni mazuri, na wachezaji wetu Abdallah Shaibu Ninja na Yassin Mustapha waliokuwa majeruhi kwa takribani wiki nane wamerejea"
"Hivyo kutakuwa na chaguo pana kwa benchi la ufundi katika nafasi ya ulinzi. Hii ni mechi ya kawaida kama zilivyo mechi zingine, kwani wachezaji wanacheza (11) kila upande, isipokuwa hii ni mechi ya watani wa jadi, na wenzetu watakuwa na presha kubwa kuliko sisi kwa sababu wanataka kutangaza ubingwa katika mechi yetu," alisema Bumbuli
"Kuhusu Manara kuwaomba (TFF) walete kombe uwanjani yale ni maneno tu, nasisi tukiamua kuongea tunamaneno makali. Bila makandokando hawawezi kutufunga na zile goli nne anazosema walitufunga ni kwa sababu kimazingira kulikuwa na baadhi ya wachezaji wetu kuwa upande wao"
