Mlinda lango wa Mwadui Fc Mussa Mbisa anahusishwa kuwa kwenye mpango wa usajili wa Yanga
Mbisa ni mmoja wa wachezaji waliolelewa na Yanga katika kikosi cha vijana (Yanga B) kabla ya kuondoka kwenda kusaka changamoto nje
Pamoja na Mwadui Fc kuteremka daraja, Mbisa amekuwa kwenye kiwango bora, juzi akifanya kazi kubwa katika mchezo dhidi ya Yanga ambao Wananchi walishinda mabao 3-2
Katika mchezo huo, Mbisa aliokoa mkwaju wa penati huku akiwapa wakati mgumu washambuliaji wa Yanga kufunga mabao
Baada ya mchezo huo, Makamu Mwenyekiti wa Kamati ya Mashindano Injinia Hersi Said ambaye ni Mkurugenzi wa Uwekezaji GSM, alionekana akimpongeza kwa mchezo mzuri lakini pia akionekana kumwambia jambo
Yanga inatarajiwa kuongeza mlinda lango mwingine. Mkenya Farouk Shikhalo ambaye mkataba wake unamalizika, bado hajapewa mkataba mpya
Aidha bado kuna sintofahamu juu ya Metacha Mnata ambaye alisimamishwa kufuatia tukio la kuwatusi mashabiki baada ya mchezo dhidi ya Ruvu Shooting
