Uongozi wa klabu ya Yanga umesema kuwa bado hawajapokea barua ya beki Lamine Moro anayedaiwa kuomba kuondoka Yanga
Viongozi wa Yanga jana walikutana kwenye kikao cha Kamati ya Utendaji kujadili masuala mbalimbali yanayoihusu klabu
Afisa Habari wa Yanga Hassan Bumbuli amesema mpaka wanamaliza kikao hicho, hawakuona barua ya Lamine
"Hizo habari tunaziona tu na kuzisoma kwenye mitandao lakini leo (jana) ndio siku ambayo kulikuwa na kikao cha kamati ya utendaji, tumekaa ofisini siku nzima hatujaiona hiyo barua, labda anatarajia kuileta lakini kwa sasa sisi hatujaipata barua ya Lamine kutaka kuondoka," alisema Bumbuli
Kumekuwa na maoni tofauti ya mashabiki wa Yanga huku wengi wakiutaka uongozi waachane na nahodha huyo kama ameomba mwenyewe
Kwa sasa Yanga haina changamoto katika eneo la ulinzi wa kati, Dickson Job, Bakari Nondo wakifanya vizuri wakati Abdallah Shaibu akiendelea kuuguza majeraha
