Imeelezwa nahodha wa Yanga Lamine Moro ameomba kuachwa katika kikosi cha mabingwa hao wa kihistoria kuelekea msimu ujao
Lamine amepoteza nafasi kwenye kikosi cha kwanza tangu ujio wa beki Dickson Job aliyesajiliwa dirisha dogo akitokea klabu ya Mtibwa Sugar
Majeruhi ya mara kwa mara na tuhuma za utovu wa nidhamu zinatajwa kuwa sababu zinazomfanya asionekane kikosini mara kwa mara
Miongoni mwa nafasi ambazo Kocha Nasreddine Nabi amependekeza kuimarishwa ni safu ya ulinzi, akihitaji beki mwingine wa kati
Lamine bado ana mkataba wa mwaka mmoja na Yanga lakini kukosa nafasi kunatajwa kuwa sababu ya kuomba aachwe
Hii itakuwa mara ya pili Lamine anaomba kuondoka kabla ya mkataba wake kumalizika
Msimu uliopita alivunja mkataba wake ghafla baada ya kuwa na madai ya malimbikizo ya mishahara
GSM walipoingia walimrejesha nchini kwa kumlipa madai yote na kumuongezea mkataba mwingine wa miaka miwili
