Yanga inahusishwa kumuwania kiungo mshambuliaji wa Dodoma Jiji Dickson Ambundo
Ambundo anatajwa kuwa miongoni mwa mapendekezo ya benchi la ufundi la Yanga linaloongozwa na kocha Nasreddine Nabi
Meneja wa mchezaji huyo Ally Abdallah ambaye yuko mkoani Dodoma, amekiri kuwepo kwa mazungumzo ambayo kimsingi amesema yamekamilika kwa asilimia 100
"Ni kweli tumekuwa na mazungumzo na Yanga ambayo yamekamilika kwa asilimia 100. Kuna mambo ya kimkataba yanawekwa sawa kabla ya mchezaji kusaini mkataba," amesema Abdallah
Ikumbukwe Makamu Mwenyekiti wa Kamati ya Mashindano Injinia Hersi Said yuko mkoani Dodoma ambako jana alishiriki kutoa semina ya Mabadiliko kwa wabunge Wanachama wa klabu ya Yanga
Pamoja na Ambundo, inaelezwa Yanga pia imekamilisha usajili wa nyota wengine wawili wa ndani, mshambuliaji Kibu Denis (Mbeya City) na mlinzi wa kushoto Bryson David (KMC)
