Mkurugenzi wa Sheria klabu ya Yanga Simon Patrick ameainisha mambo matano muhimu ambayo Wanachama na Mashabikim wanapaswa kuyafahamu kuelekea mchakato wa Mabadiliko ya mfumo wa uendeshaji
Kupitia ukurasa wake wa mtandao wa kijamii, Simon ameanisha mambo haya;
1. Yanga kama taasisi iliyoanzishwa mwaka 1935 itaendelea kubaki chini ya Mkutano Mkuu, Baraza la wadhamini, Wajumbe wa kamati ya utendaji, Katibu Mkuu, na Wanachama.
2. Yanga itafungua kampuni ambayo yenyewe itamiliki 51% za hisa zote na kuwaachia wawekezaji 49% za hisa zilizobaki.
3. Kampuni hii mpya kazi yake itakuwa ni kuendesha shughuli za mpira na biashara za mpira tu kwa niaba ya Yanga. Itakuwa na Uongozi wake ambao ni Bodi ya Wakurugenzi, ambao watamuajiri Mtendaji Mkuu, ambaye na yeye ataajiri watendaji wote chini yake kumsaidia kuendesha hii kampuni kama taasisi ya mpira.
4. Kwenye bodi ya Wakurugenzi itakayoanzishwa kusimamia kampuni hiyo kutakuwa na jumla ya wajumbe tisa wa bodi, Yanga itatoa wajumbe watano na wawekezaji kwa ujumla wao watatoa wajumbe wanne
5. Nafasi moja ya ujumbe kwenye bodi itapatikana kwa kununua 12.25 % za hisa, hivyo ili muwekezaji apate nafasi kwenye bodi lazima anunue angalau asimilia hizo za hisa kuingia kwenye bodi.
