Ruvu Shooting vs Yanga ni Alhamisi, Juni 17

Wiki hii ligi kuu inarejea kukamilisha ngwe ya lala salama ambapo siku ya Alhamisi, Juni 17 Yanga watakuwa wageni wa Ruvu Shooting katika mchezo utakaopigwa uwanja wa Benjamin Mkapa

Afisa Habari wa Yanga Hassan Bumbuli amesema timu imeendelea kujifua pamoja na kuwakosa baadhi ya wachezaji waliokuwa na majukumu ya timu za Taifa

Wachezaji hao wanatarajiwa kujiunga wenzao kuanzia leo baada ya kukamilisha majukumu yao

Yanga bado inapiga hesabu za ubingwa lakini ni lazima washinde michezo yote mitano iliyobaki huku wakiomba Simba wapoteze baadhi ya michezo

Aidha Wananchi pia wana nafasi ya kushinda kombe la FA wakiwa wametinga nusu fainali, wakisubiri kuwakabili Biashara United