Tambwe apigia mahesabu mabao nane ya Okwi

Mshambuliaji wa Yanga Amissi Tambwe amerejea rasmi kikosini baada ya kuwa nje kwa takribani miezi mitano akisumbuliwa na majeraha ya goti.

Tambwe alifunga bao lake la kwanza msimu huu kwenye michuano ya kombe la FA Jumapili iliyopita wakati Yanga ilipoibuka na ushindi wa mabao 2-0 dhidi ya Reha FC.

Tambwe amesema ndoto yake ya kutwaa kiatu cha dhahabu msimu huu bado iko palepale na anaamini kama atakuwa fiti katika michezo 18 iliyobaki anaweza kuibuka mfungaji bora.

"Nimerudi vizuri na malengo yangu ni kuisaidia timu yangu kwa kufunga mabao mengi katika ligi kama kawaida yangu ili kuisaidia timu yangu na pia kurejesha Kiatu cha Dhahabu," amefunguka Tambwe.

"Nimekosa mechi nyingi, lakini ligi bado ndio kwanza ipo katikati ya msimu mabao ambayo amefunga anayeongoza naweza na mimi kufunga katika mechi ambazo zimebaki"

Mshambuliaji wa Simba, Emanuel Owki ndiye anayeongoza orodha ya wapachika mabao vinara akiwa na mabao nane.

Anafuatiwa na Obrey Chirwa wa Yanga, Mohammed Rashidi wa Prisons ambao wana mabao sita kila mmoja.

Shiza Kichuya wa Simba, Asante Kwasi wa Lipuli/Simba na Ibrahim Ajib wa Yanga hawa wana mabao matano kila mmoja.

Tambwe anatarajiwa kuongoza safu ya ushambuliaji ya kikosi cha Yanga kitakapoivaa Mbao FC jijini Mwanza siku ya Jumapili, Disemba 31.