Tanzania imepata ushindi wa mabao 2-0 dhidi ya Malawi katika mchezo wa kirafiki uliopigwa uwanja wa Benjamin Mkapa
Kikosi cha kocha Kim Poulsen leo kilikuwa na mchezo mzuri, pengine ni ushindi ambao waliustahili
Mabao yote yalipatikana kwenye kipindi cha pili yakifungwa na nahodha John Bocco na mlinzi wa kulia Israel Mwenda aliyefunga bao mahiri kupitia mpira wa adhabu
Ilikuwa ni kazi nzuri iliyofanywa na mshambuliaji Kibu Denis ambaye alihusika katika kupatikana mabao yote mawili
Akiwa ameitwa timu ya Taifa kwa mara ya kwanza, Kibu aliwapa wakati mgumu walinzi wa Malawi kila alipokuwa na mpira
Matokeo haya yatainufaisha Tanzania kwenye viwango vya FIFA kwani wameifunga Malawi ambayo iko juu katika viwango ukilinganisha na Tanzania
Malawi pia wamefuzu kwa fainali za Afcon zitakazofanyika mwakani Cameroon
