Msimu ujao ule upande wa kulia wa Yanga 'utanoga' kwelikweli baada ya usajili wa Shabani Djuma kutoka klabu ya AS Vita
Djuma anakuja kuwaongezea nguvu Kibwana Shomari na Tuisila Kisinda wanaofanya vizuri sasa
Aidha ujio wa Djuma mwenye umri wa miaka 27, utaleta changamoto kwa Kibwana ambaye msimu huu amekuwa 'mbabe' katika nafasi yake
Kibwana ndiye mchezaji aliyecheza dakika nyingi zaidi kwenye kikosi cha Yanga msimu huu
Ameletewa Djuma, nahodha na mchezaji tegemeo wa AS Vita na timu ya Taifa ya DR Congo
Kibwana atanufaika na ujio wa Djuma kwani 'atachota' utaalam kutoka kwa beki huyo anayetajwa kuwa mmoja wa walinzi bora kwa sasa barani Afrika upande wa kulia
Yanga imejijengea utamaduni wa kutengenezea mashambulizi kutokea pembeni
Sasa nyuma kuna Djuma na mbele yake yupo Tuisila Kisinda...!
