Mshambuliaji Fiston Abdulrazak hataendelea kuitumikia Yanga pale mkataba wake utakapomalizika mwezi ujao
Fiston aliyesajiliwa na Yanga katika dirisha dogo la usajili, alisaini mkataba wa miezi sita ambao unamalizika msimu utakapofika tamati
Hata hivyo nyota huyo kutoka Rwanda ameshindwa kupenya kwenye kikosi cha kwanza huku kiwango chake kikiwa hakijawashawishi Wananchi
Fiston amesema alikuja nchini kucheza soka lakini baada ya kuona mazingira, hatarajii kuongeza mkataba
"Nilikuja Yanga kucheza soka sio kutembea na mkataba wangu ulikuwa mfupi kwani nilitaka kuyaona mazingira kwanza, lakini kwa muda niliocheza sihitaji tena kuongeza mkataba," alisema Fiston
Fiston ni miongoni mwa wachezaji wanaotajwa kutokuwa kwenye mpango wa kocha Nasreddine Nabi kuelekea msimu ujao
Ameifungia Yanga bao moja tu tangu alipotua mwezi Januari mwaka huu
