Kocha wa zamani wa Yanga Mwinyi Zahera amesema mshambuliaji Heritier Makambo anatamani kurudi Yanga, hata hivyo yeye hahusiki na mpango wa kumrudisha
Gazeti moja la michezo limeripoti kuwa Zahera aliuambia uongozi wa Yanga kuwa anaweza kuwasaidia kumrejesha Makambo kutoka klabu ya Horoya Ac anayoitumikia sasa
Ikumbukwe Zahera ndiye aliyesimamia usajili wa Makambo alipotua Horoya ambako alisaini mkataba wa miaka mitatu, amebaki na mkataba wa mwaka mmoja kunako klabu hiyo
"Taarifa za mimi kutaka kumrudisha Makambo Yanga hazina ukweli wowote kwa sababu mimi sio Wakala wake"
"Lakini nafahamu Makambo anatamani kurudi Yanga, mwenyewe amesema, siku moja atarudi tena Tanzania kuitumikia Yanga," alisema Zahera
Tetesi za Makambo kurudi Yanga zimezidi kushika kasi huku mashabiki wakimtaka Makamu Mwenyekiti wa Kamati ya Mashindano, Injinia Hersi Said kumrejesha mshambuliaji huyo aliyeifunga mabao 21 katika msimu wake mmoja na Yanga
Inaelezwa Horoya Ac wako tayari kumuuza lakini wanataka dau lisilopungua dola 45,000
Yanga ilimuuza Makambo kwenda Horoya kwa dau la dola 80,000 akisaini mkataba wa miaka mitatu na mabingwa hao wa Guinea
