Dalili za figisu kuelekea uchaguzi wa Shirikisho la Mpira wa Miguu Tanzania (TFF) zimeanza mapema kwa Wagombe wengine kukosa udhamini
Kulingana na ufafanuzi uliotolewa na Mkurugenzi wa Sheria na Wanachama klabu ya Yanga Simon Patrick, mabadiliko ya Katiba yaliyofanywa wakati wa utawala wa Rais wa sasa Wallace Karia, imeweka mchakato wa mgombea Urais kupata udhamini wa Wanachama wasiopungua watano (5) kutoka kwa viongozi wawakilishi wa mkutano mkuu wa Kanda 6 na Mikoa 26 kwa mujibu wa ibara ya 84
Ina maana kwamba mgombea mmoja akishapata udhamini kutoka mkoa fulani, mgombea mwingine hawezi kudhaminiwa na mkoa au kanda husika
Kwa lugha rahisi ni kwamba kwakuwa Katiba kwenye ibara ya 30(5) haijaweka kikomo cha idadi ya juu ya udhamini, mgombea mmoja anaweza kuomba udhamini (endorsement) kutoka kwa Kanda zote 6 na Mikoa yote 26 au akabakisha mikoa chini ya mitano, kusababisha wagombea wengine wakose udhamini (endorsement) hivyo kukosa sifa ya kugombea nafasi ya Urais
Dalili za hili tayari zimeanza kuonekana baada ya mmoja wa wagombea aliyechukua fomu jana kulalamika kukosa udhamini katika mikoa kadhaa aliyoenda akieleza kuambiwa tayari Karia amedhaminiwa
